Confirm seizure of illegal substance

The Seychelles Police have refuted allegation that their officers used excessive force to arrest a suspect during a raid in Port Glaud in the early hours of Tuesday.

Speaking to Seychelles NATION yesterday, the deputy Commissioner, Francis Songoire, said his officers apprehended the suspect according to standard procedure.

Lapolis in raporte ki Alexander Ernesta, en zonm  ki reste Barbarons in kondann 18 mwan prizon pou lofans koz dimal grav son kanmarad, me son santans prizon in ganny sispann pou 2 an. Sa lensidan kot Ernesta ti bles Albertini Labrosse dan kote gos son vant e fer li reste 5 zour lopital apre lentervansyon sirizikal ti ariv dan distrik kot Labrosse I reste Grand Anse Mahe le 22 Desanm 2020.

Le 18 Me 2022 letan sa ka ti pas devan lakour Mazistra Anse Royale Ernesta ti pled koupab e lakour ti anvoy zizman final e dat pou pronons santans pou le 9 Zen ki ti Zedi pase.

Apard ganny son santans 18 mwan prizon sispann pour 2 an, Mizistra in egalman enpoz en lanmann 15,000 roupi lo Ernesta dan ki 10,000 roupi I konpansasyon pour Labrosse. Ernesta In ganny ziska pa plitar ki le 9 Oktob san lannen pou pey sa konpansasyon sinon I pou ganny arete e servi en santans 6 mwan prizon.

En lot kondisyon ki Mazistra in enpoz lo Ernesta, se pou pa komet e ganny sarze pour menm kalite lofans pandan sa 2 an ki vini sinon I pou ganny arete e al fer son term 2 an prizon.

Departman Lapolis.

Lapolis in raporte ki I pe fer lanket dan ka kot 8 laklas in ganny kase ozordi grandmaten kot lekol primer Perseverance. 4 parmi sa 8 laklas i trouve lo premye letaz tandis ki sa 4 lezot I ater lo (ground floor). Sa kin ganny raporte vole ziska prezan I en televizyon, en “speaker” avek serten sonm larzan.

Dapre levidans ranmase ziska prezan ti annan omwen 5 a 6 dimoun kin enplike dan sa lensidan ki lapois ti ganny enformen lo la ver 2:20 bomaten.

Antretan ki lanket I an progre, lapolis pe demann nenport endividi ki annan lenformasyon kredib lo sa ka vol pour kontakte 4288000 oubyen CID.

En zonm nasyonalite Endyen aze 27 an in prezimen pann Corgate Estate ozordi apremidi. Sa zonm kin Sesel pou 3 an ti travay dan sa laboutik kot son lekor ti ganny trouve anpandan dan sa sou distrik Mont Fleuri.

Dapre rapor i tin fek retroun Sesel apre 3 semenn kin In fer dan Lenn.

I ti ganny sertifye mor ver 3:40 par patolozis

Lanket I kontinnyen antretan ki lapolis I esper rezilta letopsi pou determin sirkonstans otour e osi lakoz ekzakt son lanmor.

Lapolis pe raporte ki sa madanm digwaz 65 an ki tin aksidantelman ganny brile lo son lekor La Digue le 13 Me 2022, in mor ozordi granmaten dan younit swen entansif lopital Sesel. Antretan lapolis i kontinyen avek son lanket dan sa enn ka.

Lapolis pe fer lanket dan lensidan kot en zonm 42 an ki reste Pointe Conan in ganny raporte manke lo en voyaz lapes.

Sa peser Jimmy Barrack ki ti lo bato apele ‘Friento’ tin kit Mahe le 5 Zen pour en voyaz 10 zour lapes e abor ti annan ankor 2 manm lekipaz avek en patron ki fer 4 zot antou.

Dapre rapor ti le 7 Zen ver 6er bomaten ki sa 3 lezot manm lekipaz ti dir ler zot ti  leve apre ki zot tin mouy bato pou repose son lavey zot ti dekouver ki Jimmy pa ti abor e la zot ti sey fer kominikasyon atraver zot sistenm VHF pou lasistans.

 Apre sey rod Barrack annatandan pou plis lasistans ki pann ariv kot zot, kaptenn ti deside retourn Mahe e an retournen etablir kontak avek propriyeter bato atraver telefonn portab pou enform lo sa sitiasyon kot deswit apre lapolis ti ganny notifye.

 Guard lakot e Air Force I dir ki zot ti kapte signal detres sorti kot sa bato e menm vwar sa bato  me kominikasyon avek kaptenn pa ti en sikse.

 Sa bato ti ariv Mahe le 9 granmaten, Lanket I an progre dan sa ka.

Lapolis I oule averti manm piblik kont serten mesaz ki zot pe resevwar atraver diferan nimero enternasyonal lo whatts app kot I annan serten endividi pe sey menas zot avek lentansyon pou vol zot larzan. Sa bann mesaz  pou le moman pe ganny anvoye an franse e manm piblik pe ganny averti pou pa tonm dan latrap sa bann kriminel akoz sa I pirman bann ‘scam’.

Sa sispe 26 an dan ka fatal Stephane Juliette Barbarons 2 dimans pase in reganny anmenn ankour ozordi kot in ganny large antretan ki lapolis I kontinnyen avek son lanket.

Lapolis pe raporte ki malgre zefor maksimom in ganny mete dan loperasyon pou retrouv Peter Guy Clement, sa britanik 57 an raporte manke Lo Zil Silwet depi le 15 Me zot pann retrouv li e ki yer lendi le 6 Zen dernyen group son zofisye in ofisyelman aret resers. Sepandan lanket dan sa ka I kontinnyen parey in leka dan lezot lensidan  raporte arive dan le pase.

I enportan note ki apard zofisye lapolis, militer, ‘rangers’ e travayer lo Silwet, osi angaze dan sa loperasyon resers pou retrouv Msye Clement ti bato, “drone” e menm elikopter. Lapolis I remersi tou son partener e endividi kin partisip dan sa loperasyon resers kin pour 3 semenn in ganny fer lo later, parlao e otour Silwet.

Sispe dan fatal Barbarons dimans pase I reste lo rimann.

Rezilta letopsi fer yer Zedi lo lekor Stephane Juliette aze  20 an ki ti mor Barbarons dimans swar apre ganny tape par en loto in demontre ki sete dimal sever resevwar dan son latet ki lakoz son lanmor.

Sa zonm drayver 26 an sorti Beoliere dan distrik Grand Anse Mahe, sispe dan sa ka fatal ki ti deswit apre ganny arete e anmenn ankour son landemen lendi e retournen ankor Mardi ti finalman ganny rimann pour 7 zour Merkredi le 1 Zen lo son 3yenm aparisyon ankour dan lespas 3 zour.

Sa sispe pou aprezan repas ankour le 7 Zen antretan ki lapolis I kontinny son lanket dan sa ka.

En travayer Endyen I mor lo sit konstriksyon en lakaz Anse Boileau

En zonm 36 an avek nasyonalite endyen ki travay koman mason avek lakonpannyen “Rojan” in raporte tonmbe sorti lo en “Scaffold” anviron 4 met oter e mor dan zanmerant Cape Ste Marie Anse Boileau ver 12:15 apremidi ozordi. Sa lensidan ti ariv kot en lakaz pe ganny konstri.

Sa zonm ti ganny sertifye mor kot Sant lasante sa distrik kot I tin ganny transporte pour lasistans medikal.

En lanket in komanse dan sa ka.