Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (136)

Lapolis in raporte ki en msye 49an ki ti.pe reste Perseverance in mor yer apre ki i ti sibir serten blesir swivan en lensidan kot i ti ganny tape avek en bis SPTC kot Stasyon Bis anvil.  Sa lensidan ti ariv dan ver 4 er 40 yer apremidi e sa msye ti mor pli tar  dan lasware

Lapolis in raporte ki Lakour in ozordi ordonnen ki en zonm 52 an ki reste Grand Anse Praslin I ganny garde lo rimann apre ki I ti komet en lofans ‘Agresyon Seksyel’ lo en pti fiy 7an, yer le 5 Septanm 2018.Dapre rapor sa zonm in ganny rimann lo kondisyon ki I pey en kosyon 50 mil Roupi e ki de dimoun I agree pou siny en lot kosyon sakenn 25 Mil Roupi pou li kapab ganny large sinon I pou reste an detansyon ziska ki sa ka I repas ankor ankour le 20 Septanm 2018.

Monday, 03 September 2018 Communique

Lapolis in raporte ki Ian Sirame, sa kondannen ki tin ganny arete koman sispe dan lanmor Roy Philoe ki ti arive prizon Montagne Posee  pandan apremidi le 19 Out in ganny anmenn ankour ozordi kot in ganny sarze pou lofans mert.

Lakour in ordonnen ki i kontinyelman ganny detenir prizon.

 En  zonm 39 an ki reste Cote D’or Praslin in ganny anmenn ankour Mahe yer kot in ganny sarze pou 2 diferan lofans vol dan lakaz ki ti arive granmaten le 29  Out dan sa menm distrik.

Sa akize ti ganny arête par zofisye  lapolis ki ti lo patrol  ki ti apersevwar  sa zonm dan zanmerant kot en laboutik  Cote D’or e la zot ti deside fouy lo li. Propriyete trouve avek li sa letan ti deswit ganny idantifye  koman  itenm ki tin fek ganny raporte vole kot 2 lakaz. Sa larestasyon ti zis apre ki sa akize tin komet son 2 lofans

Lapolis in raporte ki rezilta Letopsi fer lo lekor sa bann dimoun swivan, apre bann ka lanmor ki ti arive semenn pase, I koumsa:

 Letopsi fer lo lekor Kaptenn Pierre Grandcourt I montre ki in noye.

 Letopsi fer lo lekor Msye Roy Leggaie I montre ki son lanmor in okazyonnen par en latak leker

 E letopsi fer lo lekor Ashley Rose I montre ki in mor an rezilta en konplikasyon dan son poumon.

Lapolis in raporte ki wit (8) dimoun ti ganny transporte lopital pour tretman sok apre ki en bis lakonpanyen SPTC e trwa lezot transpor ki enkli en scooter ti enplike dan en aksidan kot ‘Round about’ (Ron Pwen) Plaisance ozordi bomaten.

Dapre rapor, eksepte pour sa wit dimoun ki ti pasaze dan sa bis SPTC ki ti pe desann sorti dan direksyon La Misere ler ki aksidan ti arive, personn pann sibir gran dimal apard ki sa ‘rider’ scooter, nasyonalite Endyen ki ti pe konplent douler dan lazanm.

Lapolis in lans en lanket dan sa lensidan.

Lapolis pe pran aksyon disipliner apropye kont serten son zofisye e in osi komans aret serten endividi swivan lanket  ki I pe fer an relasyon avek en video ki pe sirkile lo rezo sosyal “facebook” ki demontre en zonm ki tin ganny arête pe ganny bate par azan  en lakonpannyen sekirite prive dan prezans lapolis.  

Dapre rapor sa video in ganny filmen dimans granmaten dan distrik Mont Fleuri  apre ki en zonm sorti Roche Caiman  kin deza fer plizyer fwa prizon pou lofans vol ti ganny arête swivan en lessey vol kot en laboutik.

Apard lanket entern e kriminel, lapolis pe egalman odit sa lakonpannyen sekirite an relasyon avek lekipman ki zot pe servi osibyen lo lantrennman son bann azan. Lapolis pe osi lyez avek lotorite laysens Sesel pour vwar  si i annan okenn lezot aksyon ki kapab ganny pran kont sa lakonpannyen Sekirite.

Ziska la i annan  sa azan ki osi ‘manager’ sa lakonpannyen avek en endyen kot sa laboutik kin ganny arete me lapolis i ekspekte fer ankor larestasyon an relasyon avek  lensidan.

En bato in pran dife an deor zil Coetivy granmaten e 4 parmi 5 manm lekipaz ki ti abor pakor ganny trouve.

Lapolis in raporte ki lotorite konsernen pakor konnen kin arrive avek 4 manm lekipaz lo en bato kin pran dife an deor zil Coetivy granmaten ozordi. En 5yenm manm lekipaz in reisi naze ziska lo sa zil.

Dapre Gard lakot Sesel ki angaze dan loperasyon resers ek sovtaz, sa dife ti ganny raporte  pran ver 2.20 bomaten.

Lapolis e lezot lotorite konsernen I egalman lo sa ‘scene’.

 

Apre I annan en garson 20 an kin mor soudennman lo zil Fregate kot I  ti pe travay.

Sete enn son koleg ki bomaten ti trouv li pa pe ‘response’ dan son lasanm. Rapor sa lensidan ti ganny fer avek lapolis ver 9:41.

Lapolis pe fer lanket annatandan rezilta letopsi pou determin lakoz son lanmor.

Lapolis in raporte ki kaptenn Pierre Grandcourt , en zonm 64 an ki reste Mare Anglaise in mor,  prezimen noye obor lil o Serf ozordi apremidi apre ki i tin tonm dan lanmer sorti lo en bato.

 Dapre rapor Msye Grandcourt ti tonm dan lanmer apre ki en seri laroul tin tap bato ki i ladan. Lapolis ti aprann sa lensidan trazik atraver zofisye lasante ver 2:20 apremidi.

 En lanket pe fer pou etablir ekzakt sirkonstans sa lensidan annatandan rezilta letopsi pou determin ekzakt lakoz son lanmor.

 Lapolis in dir ki sa Msye ki ti ganny dekouver mor obor son loto dan zanmerant stasyon elektrik PUC  pa lwen avek lasose Ste Anne ozordi bomaten i apel Roy Leggaie. I aze 44 an e i reste La Pointe Larue.

En zonm dan son karantenn lannen ki reste Roche Caiman in pas ankour ozordi bomaten e ganny sarze pour lofans kot I ti ‘Kas Batiman’ Restoran Golden Plate kot Stad Linite, Roche Caiman le 9 Out 2018 pandan lannwit.

 Swivan santans ki Lakour in pase lo sa zonm, in osi enpoz serten kondisyon konm swivan:

  •  En Kosyon 3000 Roupi  Ki si I peye I pou ganny large an kondisyon ki I osi siny en lot Kosyon 2500 Roupi
  •  I bezwen raport Kordgard Mont Fleuri tou le Lendi ek Vandredi pou siny Liv Lakour si I ganny large
  •  I pa merit komet okenn lot lofans similer

 Sa zonm I antretan pe rimann Montagne Posee vi ki I pan reisi pey sa Kosyon 3000 Roupi.

Lapolis in lans en lanket dan en ka dife kin konpletman detri en lakaz trwa lasanm, konstri an tol ek blok; Pointe Conan 7/8/2018 bomaten.

Lapolis ti ganny rapor sa dife dan ver 0936 bomaten par en vwazen sa fanmir ki ti pe reste la e ler zot ti ariv kot sa landrwa, zofisye tenny dife ti deza la.

Touzour dapre lenformasyon, personn pan sibir okenn blesir an rezilta sa dife kin pran Zofisye Tenny Dife apepre 3 Minit pou met anba control.

 

Lapolis in osi lans en lanket dan en lot ka kot dife in konpletman detri bato ‘Zil Pasyon’ ozordi bomaten dan zanmerant La Digue.

Dapre rapor sa bato ti pe antre La Digue an sortan Felicite ler ki dife ti konmanse; e sa de dimoun ki ti lo la a sa moman ti reisi sot andeor bato e zot ti ganny ranmase par en lot bato ki ti pe pase. Sa de dimoun in ganny transporte kot Lopital La Digue avek bann pti brilir me san okenn domaz serye.

 Lapolis in osi lans en lanket dan en lot ka dife ki in konpletman detri en lakaz trwa lasanm, konstri an tol ek blok; Pointe Conan ozordi bomaten.

Lapolis ti ganny rapor sa dife dan ver 0936 bomaten par en vwazen sa fanmir ki ti pe reste la e ler zot ti ariv kot sa landrwa, zofisye tenny dife ti deza la.

Touzour dapre lenformasyon, personn pan sibir okenn blesir an rezilta sa dife kin pran Zofisye Tenny Dife apepre 3 Minit pou met anba control.

Search Communique

« September 2018 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30