Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (67)

En pti fiy 6-an in perdi son lavi apre ki i ti ganny tape avek en loto lo Praslin Sanmdi apremidi.

Lapolis in konmans en lanket dan sa aksidan fatal ki ti arive ver 4er edmi apremidi Grand Anse Praslin dan zalantour Indian Ocean Island Lodge.

O moman aksidan sa loto ti pe fer direksyon Baie Ste Anne.

Tes lalkol ki’n ganny fer lo sa drayver ti montre zero poursantaz lalkol dan son lekor.

Drayver i an se moman an detansyon lapolis e lanket pe kontinyen.

A Seychellois couple wanted for questioning by the National Drugs Enforcement Agency (NDEA) since 2015 in relation to an investigation into a case of drug importation in 2014 and have been on the run since, have been caught by Kenyan authorities and were repatriated to Seychelles yesterday.

The couple were handed over to the NDEA by Kenyan authorities early yesterday morning in Nairobi and were flown back to Seychelles the same afternoon via a Kenya Airways flight.

The couple were caught on Thursday by Kenyan authorities between the Tanzanian and Mombasa, Kenya border with fake documents.

Tuesday, 26 September 2017 Communique

Lapolis in raporte ki en zonm endyen aze 25-an i admit lopital Sesel apre ki en ‘excavator’ ti glise sorti lo sa ki apel en ‘lowbed’ e tonm lo li.  

Kondisyon sa zonm ki travay pour en lakonpannyen prive in ganny dekri konman stab menm si in sibir en zepol kase.

Sa lensidan ti ariv dan en pti montanny lo en semen segonder sorti kontour banbou dan zanmerant Lakademi Tourizm La Misère letan sa masin ti pe ganny transporte pour al fer serten travay lo en ‘site’.

Lapolis pe fer lanket pour etablir sirkonstans egzakt sa lensidan ki ti ganny raporte kordgard Mont Fleuri ver 10.30 yer bomaten.

Lapolis in raporte ki Asanka Kanayaki, sa zonm 36-an, nasyonalite Sri Lankenn ki ti ganny raporte pa ankor retourn kot li Vandredi, ti retourn kot son lakour Sanmdi sen e sof. Dapre rapor Asanka in demann leskiz son paran e tou dimoun ki’n ganny afekte swivan sa ki’n arive.
Wednesday, 20 September 2017 Communique

Lapolis in raporte ki Roy Estico, sa zonm 44-an ki reste Bel Air e ki ti’n sove Prizon Montagne Posée kot i ti pe rimann pour lofans kas lakaz e vole, in ganny ratrape yer apremidi e i aktyelman an detansyon lapolis.

Wednesday, 20 September 2017 Communique

Lapolis in egalman raporte ki Ralph Japhet, en zonm Anse Royale ki lapolis ti pe reserse pour plizyer lofans kas lakaz e vole, in pas ankour yer e in ganny sarze pour de (2) lofans kas lakaz e vole e en (1) lofans kas lakaz. Tou le trwa (3) lensidan ti ariv Anse Royale.

Lakour in konsekaman enpoz kondisyon lo li ki konpri : en ‘cash bail’ 7000 Roupi pour li kapab ganny large e si i ganny large pour li pas kot kordgard Anse Royale tou le Lendi, Merkredi ek Vandredi pour siny liv Lord Lakour e pour pa komet okenn lofans.

Ralph Japhet pa’n kapab pey sa ‘cash bail’ alor Lakour in ordonnen ki i ganny rimann prizon Montagne Posée ziska le 3 Oktob kan i pou repas ankor ankour.

Wednesday, 20 September 2017 Communique

Lapolis in osi raporte ki Darrel Celestine, en zonm 21-an ki reste Cascade, in osi pas ankour yer apremidi e in ganny sarze pour de lofans kas lakaz e vole ki ti arive dan distrik Anse Royale. Lakour in ordonnen ki sa zonm i ganny rimann ziska le 3 Oktob 2017 kan i pou repas ankor ankour kot i sipoze ganny sarze pour lezot lofans kas lakas e vole ki’n ganny anmennen kont li par lapolis.

Tuesday, 19 September 2017 Communique

Lapolis in raporte ki Roy Estico, en zonm 44-an ki reste Bel Air e ki ti pe rimann prizon Montagne Posée pour lofans kas lakaz e vole, in sove dan prizon e i pa ankor ganny retrouve.

Estico (nou portre) i nwanr e i mezir apepre 1met 70 (1.70m).

Apard son ladres rezidansyel ki Bel Air, dapre lenformasyon i osi frekant dan zanmerant Saint Louis ek Belonie.

Lapolis pe demann Roy Estico pour rann son lekor o pli vit posib kot en kordgard pli pre.

Lapolis pe osi lans en lapel avek manm piblik ki annan nenport lenformasyon ki kapab ede pour atrap Estico pour silvouple pran kontak avek Sant Komann Lapolis oubyen kordgard pli pros.

Seychelles Police

Antretan lapolis in konfirmen ki en zonm ki ti’n raporte manke Merkredi pase, Joeland Valmont, ti ganny retrouve plitar menm zour ki zot ti anvoy sa lanons atraver medya. Letan i ti ganny retrouve zournal Seychelles NATION ti’n fini enprimen.

Monday, 18 September 2017 Communique

Lanket ki lapolis in fer dan sa ka kot ti annan rapor konmkwa  en madanm 54-an avek son fiy 30-an ti’n posibleman ouswa sispekte ganny vyole dan zot lakaz Anse Aux Pins granmaten le 26 Out  sa lannen in etabli ki personn ant sa 2 madanm pa’n eksperyans en tel akt tromatizan ki vedir ni enn ni lot pa ti’n ganny vyole.

Parkont lanket pe kontinyen pour esey idantifye e atrap 2 zonm ki ti antre dan zot lakaz e vol 3 telefonn, en laptop avek serten sonm larzan sa zour.