Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Ralph Japhet i ganny sarze

Lapolis in egalman raporte ki Ralph Japhet, en zonm Anse Royale ki lapolis ti pe reserse pour plizyer lofans kas lakaz e vole, in pas ankour yer e in ganny sarze pour de (2) lofans kas lakaz e vole e en (1) lofans kas lakaz. Tou le trwa (3) lensidan ti ariv Anse Royale.

Lakour in konsekaman enpoz kondisyon lo li ki konpri : en ‘cash bail’ 7000 Roupi pour li kapab ganny large e si i ganny large pour li pas kot kordgard Anse Royale tou le Lendi, Merkredi ek Vandredi pour siny liv Lord Lakour e pour pa komet okenn lofans.

Ralph Japhet pa’n kapab pey sa ‘cash bail’ alor Lakour in ordonnen ki i ganny rimann prizon Montagne Posée ziska le 3 Oktob kan i pou repas ankor ankour.