Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis - 30/10/17

Lapolis in lans en lanket dan en aksidan ki ti arive Vandredi dan ver 11er diswar Plaisance.

Viktim dan sa aksidan i en zonm 63-an ki reste Anse Aux Pins.

Sa zonm ki’n sibir serten dimal lo son lekor enkli son lazanm e dan son latet, i admit dan younit swen entansif Lopital Sesel e son kondisyon in ganny dekri konman stab.

 


Lapolis in raporte ki en lot zonm in ganny arete konman sispe dan sa ka mert ki ti arive Dimans le 22 Oktob 2017 kot Msye Simon Esparon ti perdi son lavi.

Lapolis pe fer prosedir pou anmenn sa nouvo sispe ankour Lendi.

Antretan lanket i kontinyen.


Lapolis in raporte ki en zonm nasyonalite Endyen in ganny transporte lopital Sesel e admit dan younit swen entansif apre ki i ti pros pour noye dan lanmer Beau Vallon Sanmdi apremidi.

Dapre rapor, kondisyon sa zonm Endyen in ganny deklare konman 'kritik'.

Se en viziter nasyonalite Britanik ki ti sov sa zonm Endyen dan delo e donn li premye swen.

Lapolis pe profite pour lans en lapel avek manm piblik ek bann letablisman touristik pour edik zot bann rezidan an vakans lo nesesite pour pran prekosyon ler zot dan lanmer akoz nou dan en letan aktyelman kot kondisyon lanmer pa prediktab.


Lapolis pe rod sa de zonm ki aparet dan sa de portre atase.

Sa de zonm -- Andre Michel, 38-an ki reste Les Mamelles e Conrad Larue, dan son trantenn lannen ki reste Takamaka – pe ganny reserse pour lofans kas lakaz e vole.

Tou le de pe ganny demande pour raport kordgard Mont Fleuri irzan e nenport dimoun ki’n vwar zot oubyen ki konnen  kote zot ete, silvouple kontakte kordgard pli pre osito posib.

Seychelles Police