Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis - 31/10/17

Sa trwazyenm sispe ki ti ganny arete le 28 Oktob 2017 konman sispe dan sa ka mert ki ti arive Dimans le 22 Oktob 2017 kot Msye Simon Esparon ti perdi son lavi, in ganny anmennen ankour yer apremidi e lakour in ordonnen ki i ganny rimann ziska le 3 Novanm kan i pou repas ankour ansanm avek sa de lozot ki ti’n deza ganny rimann avan li.


Lapolis in egalman raporte ki en zonm 31-an in osi pas ankour yer apremidi e ganny rimann ziska Lendi le 6 Novanm 2017.

Sa i an relasyon avek en ka ‘kas batiman e vole’ ki ti arive wikenn pase kot en letablisman touristik dan distrik Takamaka, osi byen ki pour lofans ‘unlawful use of vehicle’ (savedir servi e dray en transpor san permisyon son met).

Antretan lanket i kontinyen.