Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis 29/11/2017

Lapolis in raport en lensidan kot en madanm 54 an ki reste Saint Louis ‘Dan Koko’ in viktim en ka ‘Vol avek Vyolans’ dan son lakaz yer swar.

Dapre rapor, se fiy sa viktim ki reste avek son manman dan sa lakaz ki ti kontakte lapolis pou demann lasistans ozordi bomaten ler i ti leve e remarke ki en dimoun tin antre dan lasanm son manman, fouye e ki son manman ti san konesans.

Touzour dapre rapor, sa madanm 54 an ti reganny konesans pandan ki lapolis ti ankor kot son lakour e i ti enform zot ki; yer swar pandan ki i ti dan son lasanm; en zonm ki tin kouver son figir ti antre, pez son labous e menas li pou koup li avek en kouto si i pa donn li larzan swivan lakel i ti donn sa zonm 70 mil Roupi ki ti dan en lanvlop. Dapre li, i pann remarke lekel akoz ti fernwanr.

Sa viktim pann sibir okenn domaz fizik, vizib lo li me letan ki in reganny konesans i ti pe konplent en sansasyon brile dan son figir e douler dan son lamaswar; in ganny transporte lopital, trete e ganny large.

Lapolis in lans en lanket pou konn vre sirkonstans dan sa ka.