Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis 6/12/2017

Lapolis in konfirm en lensidan kot yer swar dan ver 7er diswar, de zonm dan mas in antre e vole dan en lakaz Bel Ombre dan ki ti annan de zenn garson a sa moman ki zot paran pa ti ankor ariv kot lakour apre travay.

Dapre rapor, sa de zonm in met kouto anba likou sa de garson, tak zot dan kabinen e apre vol bann lobze personnel enkli laptop, boutey bwar e telefonn mobil ki ti pour sa fanmiy ki reste dan sa lakaz.

Lapolis in deza lans en lanket dan sa ka.

 

Lapolis in osi raport en lot lensidan kot en zonm in resevwar blesir dan son latet an rezilta en ‘Vol avek Vyolans’ (Robbery) kin arive kot en lakour, Anse La Mouche ozordi granmaten.

Dapre rapor I annan plis ki en sispe enplike dan sa lensidan e zot in osi vol loto sa met lakaz ki en Grand I10 kouler sann ( Colour: Phantom Black) avek plak nimero S6214.

Touzour dapre rapor, sa viktim in deza ganny transporte lopital.

Swivan sa lensidan, lapolis in osi deza fini deplway tou younit konsernen e en lanket in lanse dan sa ka.

Search Communique

« October 2018 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31