Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis 12/12/2017

Lapolis in raport en lensidan kot dife in konpletman detri en lakaz  Brilliant, tar yer swar.

Dapre rapor sa lakaz I propriyete Msye Philip Confiance e I ti li tousel dan sa lakaz ler ki sa lensidan ti arive.

Touzour dapre rapor, I posib ki sa dife in ganny mete par ekspre me lapolis in lans en lanket pou konn vre sirkonstans dan sa lensidan.

 

Lapolis in osi raporte ki swivan larestasyon Andre Michel le 27 Novanm 2017 kot apre I ti ganny anmennen ankour e ganny rimann ziska ozordi le 12 Novanm dan plizyer ka ‘Kas lakaz e Vole’; sa zonm in ozordi apremidi repas ankour kot in ganny sarze dan omwen kat sa bann ka ki enkli ‘vole dan Transpor’ e ‘Kas Lakaz e Vole’.

Lakour in ordonnen ki Andre Michel I ganny rimann dan Prizon Montanny Poze ziska le 26 Desanm 2017 ler ki I pou reganny anmennnen ankour kot lakour pou pas santans lo li pour sa kat lofans dan ki in ganny sarze e kot I osi ekspekte ganny sarze pour larestan lofans ki in komet dan ki lanket I ankor pe kontinyen.