Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis 20/03/2019

6 sispe I ganny arete pou lans latak lo en lakaz e enterfer avek travay lapolis.

Lapolis in raporte ki ozordi in aret 6 sispe an koneksyon avek en lensidan kot en group dimoun arme avek baton e gran kouto ti sey anpes en group son zofisye fer serten travay Plaisance  yer.

Lensidan yer mardi ti an rezilta en bagar lendi  ant 2 zonm, kot enn tin bles lot dan figir avek en kouto, e yer sa zonm ki tin ganny blese ti mont en tim e al atak lakaz kot sa zonm ki tin bles li ti pe reste.

Sa prezimen akize ti demann lasistans lapolis me sa group dimoun ti anpes manm lafors ki ti reponn pou lasistans ariv kot lakaz.

Sete selman apre ganny  ranfor avek lezot younit ki sa premye group zofisye ti ganny sans sekirize sa prezimen akize.

Lapolis pe fer lanket kont sa 6 sispe kin ganny arete e pe ganny detenir ansemoma. Lofans ki sa 6 sispe pe fer fas avek I enkli andomaz propriyete, (lakaz kot sa prezimen akize dan ka blese i reste) reziste larestasyon, anpes lapolis fer son louvraz  osibyen ki pou  ensit vyolans .

Parmi sa 6 sispe i annan  2 ki lapolis ti pe rode an koneksyon avek serten lezot lofans kriminel anrezistre kont zot kordgard Mont Fleuri.

Communiqué Filter

« June 2019 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30