Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis

Lapolis pe raporte ki zot pe fer lanket dan en ka kot en zonm 30 an ki reste Petit Paris in ganny arete e pas ankour kot lakour in ordennen ki I reste an  detansyon pou 14 zour.  Sa zonm I sispekte pour servi  bann fo profile lo ‘Face Book’  kot in target bann zenn fiy kot in fors zot pou anvoy bann portre pou li,e serten parti prive zot lekor  e apre menase pou pibliye si zot pa azir lo son bann diferan demann ki In fer avek zot.  Lapolis pe tret sa ka  tre serye e serten  bann lobze elektronik ki sispkete ti pe  ganny servi par sa zonm in ganny sezi. Sa sispe pou re aparet devan lakour mazistra le 6 Out 2019, 8.30 bomaten.

 Lapolis pe osi fer lanket dan enka kot kot en zonm in antre dan lakaz en madanm Pralen e fer en latak seksyel avek li san son konsantman.  Sa lensidan ti arive Dimans le 21 Zilyet 2019, granmaten pandan ki sa madanm ti pe dormi dan son lakaz. Lapolis pa ankor aret person ziska prezan e pe demann okenn dimoun ki kapab donn lenformasyon konsernan sa lensidan pou kontakte zot lo telefonn  konfidansyel 133.

 Lapolis pe osi esper rezilta letopsi pou pou determin lakoz lanmor en msye 39 an ki ti ganny anmase mor andeor lakaz kot I ti pe reste dan Kan Per,  Baie Ste Anne Praslin. Lapolis ti resevwar sa rapor ver  0010 hrs. Lapolis pa pe sispekte okenn ‘foul play’ pour lemoman dan sa ka lanmor sibit.

Communiqué Filter

« December 2019 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31