Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis

Lapolis in raporte ki sispe dan lensidan kas laboutik e vole dan batiman Premiere Building in ganny anmenn ankour yer apremidi kot in ganny rimann. Sa zonm 22 an ki reste Les Mamelles ki ti ganny arête mardi apremidi swivan sa lensidan granmaten menm zour pe osi fer fas avek lezot ka kriminel anrezistre kont li dan distrik Mont Fleuri.

Sa sispe pour aprezan repas ankour ankor dan 12 zour.

En zonm 31 an kin donn son ladres koman Perseverance in ozordi apremidi ganny  sarze devan lakour Siprenm pour lofans lesey vol an servan vyolans apre ki I tin koup en madanm lorizin Belarus avek en gran kouto lo lans Fairy Land dan distrik Anse Royale yer tar apremidi. Sa akize in egalman ganny rimann pour 14 zour pou li apre reganny anmenn ankour.

Sa akize ti ganny arête deswit  apre dan feyaz lot kote semen kasyet deryer en pye dibwa touzour Fairy Land. I ti ganny atrap avek sa  gran kouto ki I tin servi pou komet son lofans.

Sa viziter madanm ti bezwen transporte lopital ti ganny 10 pwen zegwir dan kote drwat son vant apre ganny large. Letan sa lensidan ti arive sa viktim ti lo lans avek son konpanny.  Sa Lensidan ti ganny raporte ver 4:45 apremidi.

Lapolis I apresye sipor manm piblik dan demars pou atrap sa sispe.

Communiqué Filter

« January 2020 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31