Vizit
Komisyoner Lapolis, Msye Ted Barbe, ti ansanm avek Sou-Lenspekter Julinio Nourrice, zofisye an sarz Younit Relasyon Piblik dan Lapolis, Kaporal Alissa Perine, zofisye lyezon pour Tourizm dan Lapolis ek Msye Dereck Samson, konseye teknik dan lofis Komisyoner Lapolis, ti fer en vizit ozordi apremidi kot Msye Haryl Andre, aze 21 an, kot son rezidans Larivyer Anglez.
Sa vizit ti ganny fer apre ki Msye Andre ti fek ganny desarze Lopital Sesel ozordi apremidi. Komisyoner Lapolis ti eksprim son lapresiyasyon e felisitasyon personnelman avek Msye Andre pour son zes brav, remarkab e ranpli avek kouraz pandan de lensidan separe ki ti arive dan lanmer Grand Anse Mahe, yer apremidi.
Pandan sa de lensidan, Msye Andre ti sove lavi 5 endividi ki ti an danze, avek led Msye Neddy Julie, en ansyen lifeguard, ki ti asiste avek sa dezyenm lensidan. Malerezman, enn parmi sa bann viktim ti perdi lavi malgre tou zefor medikal ki ti ganny fer pour sov li.
Msye Andre ti osi partaz avek Komisyoner detay sa leksperyans difisil e emosyonnel ki in pas atraver pandan sa zournen.
Departman Lapolis pe planifye pour en antretyen avek Msye Haryl Andre ek Msye Neddy Julie dan en letan pros pour partaz zot leksperyans avek piblik, anreferans avek sa lensidan.
- Additional Images:
