Kominike
En zonm 53an sorti La Digue in formelman ganny sarze devan Lakour Mazistra Praslin dan en ka Lesey Labi Seksyel lo en Miner, apre ki sa lensidan ti ganny raporte avek Lapolis Mardi le 25 Novanm 2025, arive lo La Digue menm.
Sa akize, ki ti lo rimann, in ozordi ankor aparet devan Lakour Mazistra Praslin kot in pled koupab pour sa sarz Lesey Labi Seksyel lo en miner.
Mazistra in ordonn pour ki sa akize I ganny rimann Prizon Montagne Posse, kot i ekspekte re aparet devan Lakour Mazistra Mahe le 12 Desanm 2025 pour prononsasyon son santans.
Departman Lapolis i oule lans en mesaz kler e ferm ki nenport ki form labi seksyel kont bann miner pa pou ganny tolere ditou. Lapolis pou kontinyen fer tou neseser pour asire ki bann lanket i ganny fer dan en fason profesyonnel, e ki tou dimoun ki komet tel lofans i rann kont devan lalwa.
Bann miner i merite proteksyon, respe, e sekirite, e Departman Lapolis i reste determinen pou protez zot kont okenn kalite form labi, sirtou par bann dimoun ki, koman adilt, i annan responsabilite moral e sosyal pour protez zot dignite.
