Kominike

Lapolis in raporte ki sa garson 23 an ki ti ganny arete yer apremidi koman sispe dan lanmor Samuel Cousin aze 27 an e nonpa 22 an parey ti anonse yer in pas devan lakour Siprenm  ozordi e ganny rimann ziska le 10 Oktob zour ki I pou repas ankour.

Lanket i antretan kontinnyen dan sa ka

Apre I annan sa garson 24 an ki tin ganny arete e ganny rimann koman sispe dan lenidan kot en lot garson 18 an ti ganny pike La Gogue le 11 Septanm kin ganny sarze devan lakour Siprenm ozordi pou lofans lesey mert, (attempted murder) osibyen ki pou lofans koz dimal grav son kanmarad. Kondisyon sa garson ki ankor admit lo ward I stab e aprezan akize dan sa ka in ganny rimann Montagne Posee pou repas ankour le 10 Oktob.

Departman Lapolis.