Kominike Lapolis

En garson 20an e lot 21an toulede sorti La Misere in formelman ganny sarze devan lakour ozordi dan 2 ka pou lofans kas lakaz e vole.

Sa aprezan akize 21an in ganny sarze dan en ka kas lakaz e vole raporte avek lapolis le 28 Avril 2023 ki ti arive La Misere. Dan sa enn ka lakour in larg li lo plizyer kondisyon enkli en kosyon larzan 5mil roupi pou son laliberte provizwar e en kovrefe depi 6er diswar ziska 6er bomaten sa i si i arive pey son kosyon larzan pou li ganny large.

Dan en lot ka en zonm 20an osi sorti La Misere in ganny sarze dan en ka vol ansanm avek sa premye akize 21an ki ti ganny raporte avek lapolis le 3 Me 2023. Lakour in larg sa 2 akize dan sa enn ka lo plizyer kondisyon ki osi enkli en kosyon 5 mil roupi sakenn ki zot pann reisi akord demann lakour ki fer zot rimann andetansyon Servis Prizon Sesel. 

Sa 2 akize pou repas devan lakour le 1 Zen 2023.