Kominike
- Jonathan,Tim Payet aze 34an sorti Ma Joie.
- Abdul, Faiz Ali aze 26an sorti Anse Aux Pins.
- Chrislee Payet aze 24an sorti Ma Joie.
- Trevor Payet aze 33an sorti Ma Joie.
- Herve Rose aze 43an Sorti Praslin
- Ghassan, Abdul Hafeez aze 33an sorti Belveder.
In formelman ganny sarze devan Lakour Siprenm, ozordi bomaten. E 3 lezot sispe ki ti osi lo rimann, zot in aprezan ganny desarze dan sa ka, ki fer zot aprezan lib.
Premye akize Jonathan Payet in ganny sarze avek sa bann lofans swivan; konplo pour enport zarm ek aminisyon, konplo pour enport en drog kontrole, trafik imen, blansisarz larzan e agree e organize pour enport en drog kontrole.
Dezyenm akize Asad, Faiz Ali li in ganny sarze pour lofans konplo pou enport en drog kontrole, ek trafik imen.
Twazyenm akize Chrislee Payet in ganny sarze avek lofans konplo pou enport en drog kontrole, ek trafik imen.
Katriyenm akize Trevor Payet in ganny sarze pour lofans konplo pou enport en drog kontrole ek trafik imen.
Sekyenm akize Herve Rose in osi ganny sarze pour lofans konplo pou enport en drog kontrole
E Siyenm akize Ghassan Abdul Hafeez in osi ganny sarze pour lofans konplo pou enport en drog kontrole e blansisarz larzan.
Ziz in ordonnen ki toule 6 akize I aprezan ganny rimann andetansyon Servis Prizon Sesel.
