Chris, Larry Camille aze 20an sorti Point Aux Sel in kondannen devan Lakour Mazistra Anse Royale dan en ka Lagresyon fizik lo en endividi. Camille ti komet sa lofans le 10 Septanm 2023 Point Aux Sel.  

Mazistra ki ti pe ekout sa ka, in kondann Camille 2an Prizon ek en lanmann 7mil 500 roupi ki I pou bezwen peye pandan en peryod 4 mwan. Mazistra in ordonnen ki son term Prizon I ganny sispann pou en peryod 2an. 

Departman Lapolis

Terrence, Flocel Rapide sorti Cap Bonn Zan dan distrik Anse Royale. In kondannen devan Lakour Mazistra Anse Royale pour lofans, Menas an servan vyolans e Andomaz propriyete. 

Mazistra ki ti pe ekout sa ka, In kondann Rapide 1an Prizon avek en lanmann 4mil roupi ki I pou bezwen peye avan le 30 Me 2025, sa I dan premye ka. E dan dezyenm ka Rapide in kondann 6 mwan Prizon ek en lanmann 6mil roupi, ki I pou bezwen peye avan le 30 Me 2025. 

Mazsitra in fer lord ki sa 2 term Prizon I ganny sispann pou en peryord 2 an, e en sonm 1500 roupi dan sa lanmann, I al koman en konpansasyon pour sa viktim.

Departman Lapolis

Brian Etheve aze 48an sorti Mont Plasir, dan distrik Anse Royale. In formelman ganny sarze devan Lakour Mazistra Anse Royale dan 3 ka. Sa I pou lofans kas lakaz e vole, vole dan en lakaz, servi en transpor san lotorizasyon son propriyeter e andomaz propriyete. 

Lapolis atraver prosekisyon ti anmenn en mosyon pou demann Lakour ki sa akize, I kontinyen ganny garde lo rimann ziska dennyen determinasyon dan son ka. Mazistra in akord demann Lakour e rimann sa akize Prizon Montagne Posse, ziska dennyen determinasyon dan son ka. Etheve ti komet sa bann lofans tou resaman dan rezyon Anse Royale. 

Departman Lapolis

Lapolis i rikord 3yenm ka aksidan fatal pour 2025.

En zonm 28an sorti Takamaka. In perdi son lavi dan en aksidan fatal Barbarons tar yerswar. E en garson 23an osi sorti Takamaka ki ti pasaze, li in admit lopital Sesel, e son kondisyon I stab. 

Lapolis ti ganny alerte lo sa aksidan ver 8er 15 diswar pour lasistans, dapre rapor inisyal ki lapolis in ranmase sa transpor ti pe fer direksyon ver Grand Anse o moman sa aksidan.

Lapolis in komans en lanket detaye dan sa enn ka, annatandan rapor rezilta letopsi pou determin lakoz e sirkonstans otour son lanmor.

Departman Lapolis

En garson 20an sorti La Retraite in admit dan Younit Swen Entansif Lopital Sesel e son kondisyon in ganny dekrir koman kritik. E en garson 16an sorti Copolia li i ankor anba lobzervasyon Lopital Sesel. 

Sa I anrezilta en aksidan kin enplik de moter kin arive ozordi granmaten anfas Sant Lasante Larivyer Anglez.

Lapolis ti ganny alerte lo sa aksidan ver 1er 55 bomaten pour lasistans, e en lanket detaye in komanse dan sa enn ka.

Departman Lapolis