Wit ( 8 ) zonm in formelman ganny sarze ki enkli Sa 6 sispe ki ti deza lo rimann andetansyon lapolis pou sa bann lofans swivan sa i,

* Being in possession of anything intended to be used for the purpose of witchcraft.

* Conspiracy to exercise in witchcraft non-natural and superstitious mean.

* Counselling and procuring another person in exercising, witchcraft non-natural and superstitious mean.

* Soliciting any person to advise him on any matter for the purpose whatsoever by witchcraft, non-natural or other superstitious means.

Lapolis atraver prosekisyon in anmenn en total 53 sarz kont sa bann aprezan akize. Akize nimero enn I Ali Ali Said avek nasyonalite Tanzanian ki pe fer fas avek 22 sarz kont li, Dezyenm akize Simon Dine, aze 62an sorti Reef Esate pe fas avek 18 sarz kont li, Twazyenm akize Jules Radegonde aze 58an sorti La Digue I annan 4 sarz kont li, Katriyenm akize Bashir Umarji aze 48 an sorti Quincy Village 3 sarz,, Senkyenm akize Marcel Naiken aze 49 an sorti Baie Lazare 2 sarz, Sizyenm akize Yvon Legaie aze 54an sorti Ma Joie 2 sarz kont li, Setyenm akize Kenette Evenor aze 44 an sorti Grand Anse Mahe 1 sarz e Msye Patrick Herminie 60an sorti Mont Buxton 1 sarz kont li. 

Mazistra ki ti pe ekout sa ka in ordonnen ki sa zonm Tanzanian I ganny garde lo rimann andetansyon Servis Prizon Sesel ziska le 16 Oktob 2023, kot I pou repas ankour e sa 7 lezot akize, zot in ganny large lo plizyer kondisyon kot parmi zot in sinny en ‘Bail Bond’ 30 mil roupi sakenn koman en garanti pou sekiriz zot prezans pou aparet ankour, remet tou zot dokiman vwayaz avek lakour plitar ozordi 3er apremidi e pou pa ganny sarze ou komet okenn lofans similer pandan letan ki zot deor lo laliberte provizwar. 

Sa ka pou repas devan Lakour Mazistra le 2 Novanm 2023.

Departman Lapolis

En zonm sorti Anse Royale in admit lopital Sesel anrezilta en aksidan ozordi granmaten ki ti arive Anse Royale.

Lapolis ti ganny alerte lo sa aksidan ver 4er 30 bomaten. Sa zonm ki ti lo en scooter ti sorti direksyon Mont Plasir pou al ver Anse Royale letan ki i ti fer kolizyon avek en transpor ki ti pe fer direksyon Mont Plasir. En lanket in komanse dan sa enn ka.

Departman Lapolis

En zonm 29an in ganny transporte Lopital Sesel pou swen medikal apre en aksidan ki ti arive Beau Vallon ozordi apremidi dan en lale pou antre kot en Letablisman Touristik.

Sa zonm ki ti lo en scooter ti sorti direksyon ver Beau Vallon pou al Lavil letan ki i ti fer kolizyon avek en transpor ki ti pe direksyon pou Beau Vallon. Anrezilta kot i ti tonbe e sibir plizyer blesir lo son lekor, sete en zofisye lapolis ki pa ti pe travay a sa letan ki ti deswit administre premye swen sirplas lo sa viktim e plitar remet li dan lanmen bann zofisye medikal pou swen pli spesyalize.

Lapolis in komans en lanket dan sa enn ka.

Departman Lapolis

En fiy 11 an e 12 an in resevwar tretman Lopital Sesel apre plitar ganny large, sa ti anrezilta en aksidan kin arive dan zanmerant Beau Vallon ozordi apremidi. Sa 2 fiy ti pasaze deryer dan en Pick Up avek zot manm fanmiy letan ki drayver sa pickup ti pe sorti ver direksyon Regatta Site pou al ver grann-rout kot zot ti sorti deryer lo en sez e tonm ater lo semen kot zot ti ganny dimal lo plizyer parti zot lekor.

Lapolis in komans en lanket dan sa enn ka.

Departman Lapolis

Lakour i rann zizman dan ka Michael Bastienne ek Garry Albert kot zot in kondann 3 mwan Prizon me zot santans i ganny sispann ek en lanmann 50 mil roupi ki sakenn i bezwen peye.

Sa ka kot Katriyenm akize dan en ka Blansisarz larzan ki lakour ti pe ekoute Michael Bastienne ki tin pled non koupab oparavan kont en sarz Blansisarz larzan e plitar sanz son plead pou koupab. E sekyenm akize dan sa ka Garry Albert ki pa dan en lanplwa li i ti menteni son plead non koupab. Pandan en peryord le 1 Zanvye 2018 a le 28 Fevriye 2020 dan en landwa dan Was Mahe, sa akize dan en fason ti pe reprezante ouswa in reprezant benefis en kondwi kriminel apele trafik drog, kot in kasyet ou degiz son vre met sa propriyete ouswa nenrport dwa an relasyon avek sa propriyete, san okenn lotorite legal ouswa leskiz.

Departman Lapolis

En zonm 27an sorti Beau Vallon in ganny trete klinik Les Mamelles apre plitar ganny large, sa ti anrezilta en aksidan ki ti arive Roche Caiman dan zanmerant kot Airtel, kot en transpor sorti direksyon kot Airtel ti fer en U-Turn lo grann rout pou al ver Lavil kot I ti fer kolizyon avek en lot transpor.

Lapolis in komans en lanket dan sa enn ka. 

Departman Lapolis

De zonm in resevwar tretman Lopital Sesel ozordi bomaten apre plitar ganny large, sa i anrezilta en aksidan ki ti arive La Louise kot en konmiyon salte ki zot ti ladan ti perdi kontrol letan ki i ti pe fer direksyon desant pou al ver Plaisance kot I ti al ran lapel anba semen. Lapolis I ganny alerte lo sa aksidan ver 6er 58 bomaten e en lanket in komanse dan sa enn ka. 

Departman Lapolis

En zonm 60an sorti Montagne Posse dan distrik Au Cap, in formelman ganny sarze devan lakour Mazistra Anse Royale dan 3 ka pou lofans konport son lekor dan en fason dezordonnen dan en landwa piblik.

Sa aprezan akize in ganny rimann pou 14 zour dan sant Wellness Center Anse Royale e I ekspekte aparet ankour le 13 Oktob 2023.

Departman Lapolis

Lapolis i konfirmen ki ozordi bomaten, zot in aret dirizan parti United Seychelles, kot in ganny kestyonnen e apre ganny large swivan en lanket ki pe ganny fer. En ‘Search Warrant ti osi ganny ekzekite kot lofis sa dirizan an relasyon avek sa ka.

Lapolis I oule osi azoute, ki larestasyon sa dirizan ti napa nanryen pou fer avek politik, me ti senpleman parey in ganny dir anler pou kestyonn li an relasyon avek en ka. 

Departman Lapolis

Lapolis i konfirmen ki ozordi bomaten, zot in aret dirizan parti United Seychelles, kot in ganny kestyonnen e apre ganny large swivan en lanket ki pe ganny fer. En ‘Search Warrant ti osi ganny ekzekite kot lofis sa dirizan an relasyon avek sa ka.

Lapolis I oule osi azoute, ki larestasyon sa dirizan ti napa nanryen pou fer avek politik, me ti senpleman parey in ganny dir anler pou kestyonn li an relasyon avek en ka. 

Departman Lapolis