En zonm 49 sorti Cote Do’r  Praslin. In admit dan Younit Swen Entansif  Lopital Sesel, dan en leta kritik.

Sa I anrezilta en aksidan kin arive dan zanmerant Marie Jeanne Estate, le 23 Out 2025. Lapolis in komans en lanket detaye dan sa enn ka, pour etablir lakoz otour sa enn aksidan.

Alwyn Larue aze 24an sorti Perseverance in formelman ganny sarze devan Lakour Mazistra Ile Du Port, pour lofans koz dimal grav en endividi, ki ti ganny raporte avek lapolis le 20 Out 2025, arive kot son rezidans Perseverance.

Mazistra in larg Larue lo plizyer kondisyon tel ki en kosyon 10 mil roupi pour son laliberte provizwar, sinny liv Lakour dan kordgard Perseverance, 2 fwa par semenn, pou pa enterfer avek konplenan e temwen dan sa enn ka, viki Larue pan reisi akord demann Lakour pour pey sa kosyon 10mil roupi. In ganny rimann Prizon Montagne Posse, ziska le 4 Septanm 2025, zour ki I ekspekte repas devan Lakour.

Alwyn Larue tin resaman kondannen le 5 Out 2025, devan Lakour Mazistra Anse Royale, dan en ka vol, kot parmi ti en santans 2an prizon ki tin ganny sispann pour en peryod 3an avek en kosyon 9mil roupi, ki I ti pour bezwen peye. Mazistra tin avertir Larue ki pandan son term sispann Prizon, ki si I arive komet, ou ganny sarze avek okenn lofans, ki ganny pini par en term Prizon son santans, dan sa enn ka pour vin aktiv otomatikman, kot I pour deservi son term 2an Prizon.

Rhony Baptiste aze 32an in kondann en term 4an Prizon pour lofans kas batiman, e pour vole en term 2an Prizon, avek en lanmann 6mil 500 roupi ki I pour bezwen peye avan le 31 Oktob 2025. Sa ti devan Lakour Mazistra Ile Du Port.

Baptiste ti komet sa lofans le 6 Mars 2025, ver 11er diswar kot I ti kas en batiman dan rezyon Perseverance e vol plizyer

Shane Tolfree aze 29an sorti Turtle Bay, Au Cap in kondann 2an Prizon devan Lakour Mazistra Anse Royale, kin ganny sispann pour en peryod  2an, avek en lanmann 9mil roupi. Sa I dan ka okazyonn dimal grav en endividi.

Tolfree ti komet sa lofans le 8 Zanvye 2021, kot I ti fizikman agres en endividi, ki tin trespas son propriyete ilegalman avek lentansyon pour vole.

En zonm 29 an sorti Anse Royale in ganny arete, pas atraver bann prosedir legal, e plitar ganny large. Sa i an rapor avek en lofans kot i ti akt dan en fason neglizans, ki ti lakoz en dife pour detri en gran bout veditasyon. Lazans Servis Tenny Dife ek Sovtaz ti bezwen entervenir pour tenny sa dife. Sa lensidan ti ganny raporte avek Lapolis le 20 Out 2025.

Dan en lot ka separe, ki ti ganny raporte avek Lapolis yer apremidi dan distrik Glacis, en zonm 73 an in osi pase atraver bann prosedir legal, e plitar ganny large. Sa osi i konsern en lofans kot en dife ti detri en bout veditasyon akoz aksyon neglizans.

Dan toulede ka, Departman Lanvironnman in pran aksyon lo zot kote e sarz sa 2 endividi avek en lanmann.

I enportan note ki restriksyon pour met dife ti antre an fors depi Lendi le 11 Out 2025, e i ekspekte reste an plas ziska lafen Oktob 2025, sa depan lo kondisyon letan. Nenport dimoun ki met dife pandan sa peryod pe komet en lofans, e i kapab ganny en lanmann ki sorti ant 500 roupi ziska 1,500 roupi.

Departman Lapolis pe lans en lapel avek tou dimoun pour respekte sa restriksyon pour evit lezot lensidan dife. Sa bann aksyon neglizans i kout bokou resours pour kapab met en dife lafore anba kontrol e i kapab anmenn retar dan bann lezot ka kot dimoun ti a bezwen lasistans imedyat.

Robinson Agnes in kondann 5 mwan Prizon devan Lakour Mazistra Anse Royale, pour lofans lensilt anver en endividi, avek lentansyon pour denigre li. “ Insulting the modesty of a person”.

Agnes ti komet sa lofans le 12 Me 2021, Anse Royale kot I ti fer en lensilt anver en zofisye lapolis, ki ti pe desarz son responsabilite, apre ki I tin reponn lapel pour lasistans lo en scene.

Daniel Jeanne in kondannen devan Lakour Mazistra, Ile Du Port dan 4 ka vol e menas an servan vyolans. Mazitra in enpoz en santans lanmann 3mil roupi dan sak ka, ki fer en total 12mil roupi ki Jeanne pour bezwen peye, avan le 15 Novanm 2025. Si i pa peye, i pou deservi en term 4 mwan Prizon.

Kinsley Valentine aze 44an sorti Grand Anse, Praslin in formelman ganny sarze devan Lakour Mazistra Praslin, pour lofans kas batiman e vole.

Mazitsra in larg Valentine lo sa bann kondisyon swivan, kot I pour bezwen pey en sonm 10mil roupi pour son laliberte provizwar, prodwir 2 dimoun koman en garanti 5mil roupi sakenn, pour sinny Liv Lakour dan kardgard Grand Anse, Praslin 2 fwa par semenn. Anvi ki sa akize pann reisi akord demann Lakour pour pey sa kosyon in ganny rimann andetansyon Servis Prizon Sesel. Sa akize I osi annan en kosyon 24mil roupi, ki Lakour tin donn li ziska Septanm 2025, pour peye, dan en ka separe.

Valentine tin komet sa bann lofans le 18 Out 2025, kot en letablisman touristik lo Praslin kot I tin kas 5 lasanm, e vol plizyer propriyete personnel bann kliyan, avan ki I ti ganny entersepte, e arete par sekirite kot sa letablisman.

Dominic, Jason Rose sorti Union Vale, in kondann 2an Prizon, kin ganny sispann pour en peryod 2an, avek en lanmann 24mil roupi, devan Lakour Siprenm. Sa I dan en, ka trafik en drog kontrole.

Rose ti konmet sa lofans, le 18 Septanm 2020, apre ki I tin ganny arete an posesyon 369.71 granm rezin kanabis.

• Ronpwen Mont Fleuri (anfas laboutik Msye Weeling) ki al ver direksyon Lavil.
•  E Kwaze semen Lopital Sesel ki al ver Ronpwen Mont Fleuri.

• En landrwa spesifik kin ganny dezinyen kot siporter pou kapab rasanble 
• Lapolis pe demann tou dimoun pou gard en bon konportman e respekte lezot, evite provok kanmarad ki kapab koz bann ak ou aksyon vyolans.
• I enportan pou note ki konsomasyon lalkol dan landrwa piblik i en lofans e pa pou ganny tolere.