Robin, Benjamin HOAREAU aze 45 an in kondannen devan lakour Mazistra, Ile du Port dan 2 ka. Sa i pour lofans an posesyon en drog kontrole avek lentansyon pou trafike, e an posesyon en drog kontrole.

HOAREAU ti komet sa lofans le 26 out 2023, dan rezyon Lavil Victoria, Mahé, kot i ti ganny arete an posesyon 4.10 granm cocain, e 0.63 granm rezin kanabis.

Mazistra in kondann HOAREAU en sonm 9 mil roupi dan premye ka, e en sonm 3 mil roupi dan dezyenm ka, ki i bezwen peye avan le 30 Novanm 2025, kot si i pa peye i pou deservi en term 6 mwan prizon pou sa premye ka, e en term 3 mwan prizon pou sa dezyenm ka. Si i arive pa peye i pou deservi en santans konsekitif.

Claude, Faddy, FRANCHETTE in kondannen devan Lakour Mazistra, Ile du Port dan 2 ka. Sa i pour lofans an posesyon en drog kontrole.

FRANCHETTE ti komet sa lofans le 10 Fevriye 2020, Pascal Village, kot i ti ganny arete an posesyon 15.18 granm canabis zerbaz, e 37.09 granm rezin kanabis.

Mazistra in kondann FRANCHETTE en sonm 3 mil roupi dan premye ka, e en sonm 6 mil roupi dan dezyenm ka, ki i bezwen peye pandan sis (6) mwan, kot si i pa peye i pou deservi en term 3 mwan Prizon pou sa premye ka, e en term 6 mwan Prizon pou sa dezyenm ka. Si i arive pa peye i pou fer en santans konsekitif Prizon.

Jimmy Marie in kondannen devan Lakour Siprenm dan ka 2 pour lofans Okazyonn lanmor en endividi par dray dan en fason danzere.

Ziz in kondann Marie 18mwan Prizon avek en lanmann 70mil roupi dan premye ka, e dan dezyenm ka en term 18mwan Prizon, me in ordonnen ki son term Prizon dan sa enn ka I ganny sispann pou en peryod 2an, ki fer Marie pou selman deservi en term 18mwan Prizon.

Marie ti komet sa lofans le 5 Oktob 2020 lo Highway Providance, kot I ti fer aksidan dan en pickup ki I ti pe dray e an rezilta sa aksidan, son defen konpanny ti perdi son lavi ek enn son zanmi pros.

Olivier Maringo aze 30an sorti Anse Poule Bleues, Baie Lazare. In kondannen devan Lakour Mazistra Anse Royale, dan 2 ka, sa I pour lofans kas batiman e vole.

Mazistra in kondann Maringo 2an Prizon dan premye ka pour lofans kas batiman, e pour vole in kondann li en term 2an Prizon. Mazistra in ordonnen ki son term Prizon I mars ansanm ki fer I pou fer selman 2an Prizon. 

Maringo ti komet sa lofans le 24 Mars 2025, Anse Solie, Baie Lazare kot I ti kas en letablisman tourisik e vole. Lapolis ti reisi rekiper mazorite propriyete ki tin ganny vole.

Kenny Gangadoo aze 27an in kondannen devan Lakour Mazistra Anse Royale, dan en ka lesey pou kas en batiman e vole.

Mazistra in kondann Gangadoo 2an Prizon avek en lanmann 5mil roupi ki I pou bezwen peye avan le 30 Septanm 2025, kot si I pa peye I pou deservi en term 9mwan Prizon. Mazistra in ordonen ki son term Prizon I ganny sispann pou en peryod 2an.

Gangadoo ti komet sa lofans le 3 Novanm 2024, Point Larue kot I ti pe esey kas en batiman pour vole, kot lopolis ti reisi aret li sirplas.

Kenny Gilbert in kondannen devan Lakour Mazistra Anse Royale dan en ka kas batiman e vole.

Mazistra in kondann Gilbert 18mwan Prizon avek en lanmann 5mil roupi ki I pou bezwen peye avan le 30 Septanm 2025, kot si I pa peye I pou deservi en term 9mwan Prizon. Mazistra in ordonen ki son term Prizon I ganny sispann pou en peryod 2an.

Gilbert ti komet sa lofans le 14 Novanm 2018, Au Cap kot I ti kas en batiman en vol plizyer Iytenm elektronik, ki lapolis ti reisi rekiper tou.

Antoin Low aze 37an sorti Port Glaud in kondannen devan Lakour Mazistra Anse Royale, dan 2 ka pour lofans an posesyon en drog kontrole.

Mazistra in kondann Low 1an Prizon dan premye ka avek en lanmann 12mil roupi, dan dezyenm ka en lanmann 5mil roupi ki I pou bezwen peye avan le 30 Septanm 2025. Mazistra in ordonnen ki son term Prizon I ganny sispann pou en peryod 2an.

Low ti komet sa lofans le 31 Out 2023, Port Glaud, kot I ti ganny arete an posesyon 5.97granm Kokainn, 8.10granm legren kanabis e 1.62 granm Kanabis Zerbaz

Terry Marie in kondannen devan Lakour Mazistra Anse Royale, dan 3 ka pour lofans an posesyon en drog kontrole.

Mazistra in kondann Marie 1an Prizon dan premye ka avek en lanmann 10mil roupi, dan dezyenm ka en lanmann 6mil roupi e dan twazyenm ka en lanmann 3mil roupi ki I pou bezwen peye avan le 30 Septanm 2025. Mazistra in ordonnen ki son term Prizon I ganny sispann pou en peryod 2an.

Marie ti komet sa lofans le 26 Avril 2024, Chetty Flat Anse Aux Pins, kot I ti ganny arete an posesyon 0.41granm Heroin, 2.26granm Methampetamine e 0.22granm rezin Kanabis

Ashely Brioche aze 30an sorti Zimbabwe Praslin in kondannen devan Lakour Mazistra Praslin dan en ka kas batiman e en ka pour vole.

Mazistra in kondann Brioche 10mwan Prizon pou lofans kas batiman, e pour vole in kondann li 8mwan Prizon, ki fer I pou deservi en term 18 Mwan Prizon aparti ozordi. Brioche ti komet sa lofans le 13 Me 2025 lo Praslin menm.