Lapolis i konfirmen ki ozordi bomaten, zot in aret dirizan parti United Seychelles, kot in ganny kestyonnen e apre ganny large swivan en lanket ki pe ganny fer. En ‘Search Warrant ti osi ganny ekzekite kot lofis sa dirizan an relasyon avek sa ka.

Lapolis I oule osi azoute, ki larestasyon sa dirizan ti napa nanryen pou fer avek politik, me ti senpleman parey in ganny dir anler pou kestyonn li an relasyon avek en ka. 

Departman Lapolis

Lapolis i konfirmen ki ozordi bomaten, zot in aret dirizan parti United Seychelles, kot in ganny kestyonnen e apre ganny large swivan en lanket ki pe ganny fer. En ‘Search Warrant ti osi ganny ekzekite kot lofis sa dirizan an relasyon avek sa ka.

Lapolis I oule osi azoute, ki larestasyon sa dirizan ti napa nanryen pou fer avek politik, me ti senpleman parey in ganny dir anler pou kestyonn li an relasyon avek en ka. 

Departman Lapolis

Ivan Sinon aze 42an sorti Copolia in kondann 1 an prizon ek en lanmann 80 mil roupi e son laysens ganny sispann pou en peryord 2an, sa I apre ki lakour in trouv li koupab pou lofans koz lanmor en dimoun par dray dan en fason danzere. 

Le 7 Me 2017 dan larantre Zarden Botanik Mont Fleuri Sinon ti koz lanmor en zonm 42an avek nasyonalite Malgas apre ki i ti tap sa pyeton avek son transpor. Sinon ti pe dray son transpor dan en fason danzere pou lezot dimon ki servi semen piblik. Ziz ki ti pe ekout sa ka in ordonnen ki letan ki Sinon in fer lo rimann I ganny dedwir lo son santans. 

Departman Lapolis

En madanm 44an sorti Ile Perseverance in resevwar tretman lopital apre plitar ganny large anrezilta en aksidan ki ti arive yerswar Anse Etoile kot in ganny tape avek laglas transpor, erezman I pan ganny gran dimal. Lapolis ti ganny alerte lo sa aksidan ver 9:10er diswar e en lanket in komanse dan sa enn ka.

Departman Lapolis

En imsye aze 59an ti ganny dekouver mor dan son lakaz La Batie ozordi apremidi.

Lapolis pe egalman raporte ki sa imsye ti normalman reste tousel.

Lapolis ti ganny enformen lo sa lensidan ver 2:30 apremidi. Sa dekouvert ti ariv apre ki en vwazen ti vwar son lekor ki tin fini konmans dekonpoze dan sa lakaz.

En lanket in komanse annatandan rezilta letopsi pou etabli lakoz e posibleman sirkonstans otour son lanmor.

Departman Lapolis

En zonm 50an sorti Pointe Larue in admit lopital Sesel e son kondisyon i stab, sa i anrezilta en aksidan kot in ganny tape avek en loto dan direksyon Hypermarket yerswar.

Lapolis ti ganny alerte lo sa aksidan ver 8er 13 diswar e en lanket in komanse dan sa enn ka.

Departman Lapolis

En garson 21an ki pa dan lanplwa sorti Union Vale in ganny arete ozordi bomaten e pas devan Lakour Mazistra kot in ganny rimann andetansyon lapolis ziska le 12 Septann 2023, sa garson i sispe dan 2 ka Vol kin arive ozordi granmaten dan 2 diferan Lakaz Union Vale, Vilaz Trezor.

Antretan lapolis i kontinyen avek son lanket dan sa enn ka.

Departman Lapolis

2 zonm i ganny rimann andetansyon lapolis koman sispe dan en ka Vol.

Lapolis in komans en lanket dan en ka kot en zonn sorti Fairy Land, Anse Royale in prezimen ganny atake e vole serten sonm larzan e bizou ver 6er 5 yerswar dan rezyon Anse Royale.Tou le 2 sispe tin ganny arete e pas devan Lakour Mazistra Anse Royale ozordi apremidi e ganny rimann andetansyon Lapolis ziska le 14 Septanm 2023 zour ki zot ekspekte repas ankour.

Departman Lapolis

En zonm 27an ki pa dan lanplwa sorti Grand Anse, Mahe ki ti ganny bezwen par lapolis an koneksyon avek en ka vol an servan vyolans ki ti arive ver lafen Out 2023 Beolier, in ganny arete, pas devan Lakour Mazistra kot in ganny rimann andetansyon lapolis ziska le 13 Septanm 2023.

Antretan lapolis i kontinyen avek son lanket dan sa enn ka.

Departman Lapolis

En garson 20an e lot 23an sorti dan distrik Belombre in ganny arete e pe deteni an koneksyon avek en ka vol kin arive ozordi bomaten Belombre. Sa i apre ki zot ti vol sak en madanm 80an ki tin fek debarke dan en Bis Belombre dan ver 9er 30 bomaten letan i ti pe antre kot son lakour apre taye. En des erdtan pli tar lapolis ti lokaliz sa 2 sispe, zot in ganny arete e pe ganny deteni. Serten popriyete in osi ganny rekouver.

Lapolis in komans en lanket dan sa enn ka.

Departman Lapolis