Kominike 

En zonm 36an sorti La Louise in ganny arete ozordi bomaten par en group zofisye lapolis sorti Santral an koneksyon avek en ka vol lo Airport ki ti ganny raporte avek lapolis yer apremidi. 

Anrezilta larestasyon sa sispe zonm 36an. Lapolis in fer lafouy dan serten landwa kot zot in reisi rekiper mazorite sa bann larzan ki tinn ganny raporte vole dan sa ka. 

Departman lapolis I oule felisit son bann zofisye pou sa travay tre vit ki zot in fer, kin port en rezilta pozitiv.

Antretan lapolis I kontinyen avek son lanket dan sa enn ka.

Departman Lapolis.

Kominike

Lapolis I annan lentansyon pou prosekit 2 sispe pou lofans “harboring a minor”. Sa I en zonm ek en madanm.

Sa ka i konsernan sa fiy 13an sorti Anse Royale ki tin ganny raporte manke depi Vandredi le 14 Zilyet 2023 e ki tin ganny vwar yerswar kot en lakaz Anse Royale par en group zofisye lapolis.

Lapolis pe lans en lapel avek manm piblik pou pa soutir okenn manmay anba laz, kot zot san konsantman son paran.

Departman Lapolis.

Kominike 

En zonm 32an sorti Port Glaud, ki pa dan lanplwa in formelman ganny sarze devan lakour Mazistra pou lofans kas batiman e vole ki ti arive dan Port Glaud le 17 Zilyet 2023.

Mazistra in larg sa aprezan akize lo serten kondisyon tel ki pou pey en kosyon 10mil roupi, pou li kapab ganny large lo laliberte provizwar, pou pa ganny sarze ou komet okenn lofans similer pandan letan ki I deor lo laliberte provizwar, pou pa enterfer avek konplenan e temwen dan sa ka, pou raport kot lakour mazistra Anse Royale toule Vandredi, pou raport korgard Port Glaud 3 fwa par semenn pou siryn liv Lakour. 

Mazistra in osi fer lord ki si sa aprezan akize I kas okenn sa bann kondisyon kin ganny enpoze kont li, i pou rimann ziska ki son ka I terminnen devan lakour. Sa akize pann reisi akord demann lakour pou pey son kosyon 10mil roupi, ki fer I ganny rimann andetansyon Servis Prizon Sesel ziska le 31 Zilyet 2023 zour ki I ekspekte repas ankour.

Departman Lapolis.

Kominike 

Sa zonm 46an sorti Bel Air, ki pa dan lanplwa ki ti lo rimann andetasnyon lapolis. In repas devan lakour ozordi bomaten kot in formelman ganny sarze pou lofans vol dan 4 ka separe.

Mazistra in larg sa aprezan akize lo serten kondisyon tel ki pou pey en kosyon 2mil roupi dan sakenn sa ban ka, ki fer en total 8mil roupi, ki I pou bezwen peye pou li kapab ganny large lo laliberte provizwar. Pou pa komet ou ganny sarze avek okenn lofans similer pandan letan ki I pou deor lo laliberte provizwar, pou siryn liv lakour 3 fwa par semenn kot kordgard e en kouvrefe depi 6er diswar ziska 6er bomaten.

Sa akize pann reisi akord demann lakour ki fer I ganny rimann andetansyon Servis Prizon Sesel ziska le 31 Zilyet 2023 zour ki I ekspekte repas ankour.

Departman Lapolis.

Kominike

In konfirmen ki loperasyon resers pou rod sa zonm avek nasyonalite Nepale apele Furpu, Chhiring Bhote aze 38an ki ti en travayer lo Ile Moyenne, ki tin ganny raporte manke avek lapolis le 2 Zilyet 2023 in aprezan arete.

Sa i apre plizyer zour resers ki lapolis in fer lo Ile Moyenne enkli lo lanmer e otour lakot sa zil. E lezot zil dan zalantour ki pann abouti dan naryen.

Antretan lapolis i kontinyen avek son lanket dan sa enn ka.

Comminique 

The Seychelles Police Department has confirmed that search for Mr. Furpu, Chhiring Bhote, aged 38 years with Nepali National, had stopped. 

Mr. Furpu, Chhiring Bhote, who was a worker on Ile Moyenne, reported missing on the 2nd of July 2023. So far the police have conducted search on the island, at sea including costal areas and around other islands close by to Ile Moyenne nothing has been found.

Investigation into this matter is still ongoing.

Police Department.

Kominike

Sa zonm 43an sorti Anse Aux Pins ki ti an detansyon lapolis an koneksyon avek en lensidan ki ti arive Cascade Sanmdi bomaten, kot en zonm 34an sorti North East Point ti ganny blese. In pas ankour ozordi bomaten kot in formelman ganny sarze pou lofans koz dimal grav en dimoun.

Mazistra in larg sa aprezan akize lo serten kondisyon tel ki pey en kosyon 10mil roupi pou son laliberte provizwar, ki in fini peye, pou pa enterfer avek temwen e konplenan dan sa ka, pou raport korgard Anse Aux Pins toule Vandredi pou siryn liv lakour, pou pa komet ou ganny sarze avek okenn lofans similer pandan letan ki I deor lo laliberte provizwar e pou prezan devan lakour a sakfwa ki son ka pe pase.

Sa akize pou repas ankour le 31 Zilyet 2023.

Departman Lapolis

Amanda, Ravara Dos Anjos 32an avek nasyonalite Brezilyen. In kondann 8an prizon pou lofans

lenportasyon en drog kontrole.

Amanda, Ravara Dos Anjos ti ganny entersepte e arete par zofisye lapolis lo Erport enternasyonal Sesel le 10 Zilyet 2022 apre ki i tin arive abor e vol sorti Dubai. Lapolis ti sezi dan son posesyon enpe plis ki 4133 granm sispekte Cocaine.

Ziz ki ti pe ekout sa ka in pran konsiderasyon apre ki, Ravara Dos Anjos tin pled koupab letan ki in pase lo rimann pou ganny dedwir lo son santans.

Departman lapolis

En zonm 40an sorti Baie St Anne Praslin in formelman ganny sarze devan lakour Mazistra Praslin pou lofans vole.

Rapor fer avek lapolis le 22 Me 2023, kot sa aprezan akize ti antre lo en propriyete e vol pwason dan en frizider la valer 4mil roupi.

Lakour in larg sa aprezan akize lo serten kondisyon tel ki siryn en "Bail Bound" 10mil roupi, pa komet okenn lofans similer pandan ki i deor lo kondisyon, 2 garanti 5mil roupi dan son ka, pou pa enterfer avek temwen e konplenan dan sa ka.

Sa akize pou repas devan lakour le 25 Zilyet 2023.

En zonm 45an sorti Mahe ki ti pe reste Praslin in ganny rimann andetansyon lapolis ziska le 8zen 2023.

Sa sispe ti ganny vwar e entersepte par en group zofisye lapolis ki ti lo patrol dan rezyon Baie St anne, Praslin letan ki zot ti pe fer bann tyek routin kot bann batiman ver 1er bomaten.

Dan lesey par bann zofisye pou aret sa sispe i ti andomaz en vit kot i ti reisi sote e taye, zofisye prezan ti tir koudfe dan ler pou esey efektiv en larestasyon lo sa sispe kot zot pa ti reisi aret li.

Le 24 Me 2023 swivan loperasyon pou aret sa sispe kot en letablisman i ti menas bann zofisye lapolis avek en kouto ki ti dan son posesyon me in reisi ganny arete sirplas. 

En zonm 33an sorti Cote Dore Praslin in formelman ganny sarze devan lakour Mazistra Praslin dan 2 ka obtenir propriyete lo fo pre teks e vole.

Sa i apre ki lapolis tin resevwar rapor le 3 e 8 Avril 2023 kot sa aprezan akize tin vann tiket vwayaz bato avek en group kliyan etranze pou ekskirsyon anretour kot i tin resevwar serten sonm larzan e sa akize pan fer sa vwayaz ekskirsyon.

Sa menm akize le 10 Me 2023 dan rezyon lo lans Cote Dore i ti vol serten sonm larzan pou en miner.

Lakour in larg sa akize lo serten kondisyon tel ki pey en lanmann 6 mil roupi dan sakenn son bann ka ki fer en total 18mil roupi, 2 garanti 5mil dan sakenn son bann ka pou son laliberte provizwar. Si sa akize i reisi pey sa sonm 18mil roupi i pou ganny large e i bezwen sivre sa bann kondisyon swivan, siryn liv lakour 3 fwa par zour toule Lendi e Vandredi, en kouvrefe depi 7er diswar ziska 6er bomaten e pou strikteman pa apros okenn viziter etranze ki lo vakans Sesel .

Sa akize pann reisi akord demann lakour ki fer i ganny rimann andetansyon Servis Prizon Sesel ziska le 6 Zen 2023 zour ki i ekspekte repas ankour.